09 қаңтар 2025, 11:29 1168

Маңғыстаумұнайгаз бас директорының орынбасары тағайындалды

«Маңғыстаумұнайгаз» АҚ басшылығы басшылық құрамның ротациясы аясында қызметке тағайындалған бас директордың жаңа орынбасарын еңбек ұжымына таныстырды.

«ҚазМұнайГаз» ҰК» АҚ Акционерлерінің шешімімен «Маңғыстаумұнайгаз» АҚ бас директорының әкімшілік және әлеуметтік мәселелер жөніндегі орынбасары қызметіне Қайрат Исатайұлы Отаров тағайындалды.

Қайрат Отаров 1967 жылдың 7-ші қарашасында Атырау облысы Құлсары қаласында дүниеге келген.

1992 жылы ол В.И.Ленин атындағы Қазақ политехникалық институтын мұнай және газ кен орындарын игеру және пайдалану мамандығы бойынша бітірген, тау-кен инженері, 2006-2009 жылдары Ш.Есенов атындағы Ақтау мемлекеттік университетінде оқып құқықтану мамандығын алған.

Қайрат Исатайұлы еңбек жолын 1992 жылы «Жетібаймұнайгаз» өндірістік басқармасында мұнай және газ өндіру жөніндегі оператор болып бастады.

1993 жылы «Қаламқасмұнайгаз» өндірістік басқармасы №3-ші МГӨЦ мұнай және газ өндіру жөніндегі операторы, ал 1993 – 1995 жылдары мұнай және газ өндіру шебері болып жұмыс жасаған.

1995 – 2024 жылдар аралығында ҚР ҰҚК органдарында қызмет атқарды.

2025 жылдың 6-шы қаңтарынан бастап «Маңғыстаумұнайгаз» АҚ бас директорының әкімшілік және әлеуметтік мәселелер жөніндегі орынбасары болып тағайындалды.

Еще больше новостей на нашем telegram-канале , подписывайся и будь в курсе!

К списку статей Следующая статья